Sýna síu
Reset Filters
Sort By:
Verðbil
Nætur
Star Rating
Marrakech er svo sannarlega áhugaverð borg þar sem hið forna og sögulega mætir nútímanum. Borgin er veisla fyrir skynfærin þar sem litir, lykt og hljóð renna saman í lifandi kokteil af menningu og mannlífi. Torgin eru blómleg, göturnar þröngar, byggingarlistin oft virkilega áhugaverð og matargerðin frábær. Hvort sem þú sækir í fornar hallir, gróskumikla garða eða spennandi götulíf þá lofar Marrakesh ógleymanlegri upplifun í tímalausum sjarma.
Marrakech er skráð í Unesco World-Heritage enda gríðarlega sögufræg borg. Hún hefur almennt verið síðasti viðkomustaður þeirra sem ætla sér út í Sahara eyðimörkina, nú eða sá fyrsti þegar til baka er komið. Hægt er einmitt að fara í úlfaldaferðir í eyðimörkinni, eitthvað sem við Íslendingar þekkjum lítið. Gaman er að heimsækja Jemaa el-Fnaa torgið en það er eitt það vinsælasta í gjörvallri Afríku og hægt að finna alls konar listamenn, snákatemjara, trommuslátt og dansatriði. Marrakech er hreinlega ógleymanlegt samansafn af öllu og skylda að heimsækja einhvern tímann á lífsleiðinni.
Áhugaverð að gera / skoða
- Loftbelgsferð - Það er einstök upplifun að fara í loftbelg. Flestar ferðir byrja mjög snemma morguns til að ná sólarupprásinni. Frábært tækifæri til að njóta stórkostlegs útsýni yfir Atlasfjöllin og eyðimörkina. Eftir ferðina er morgunverður snæddur að hætti heimamanna.
- Kameldýr - Við mælum með að fara í kameldýrareið. En farið er inn í eyðimörkina. Tekur sirka klst að keyra frá borginni. Frábær leið til að upplifa marokkóska menningu og sjá eyðimörkina.
- Medina og souk-markaðirnir í Marrakech eru hjarta borgarinnar og bjóða upp á einstaka verslunarupplifun. Hér eru nokkrar gagnlegar upplýsingar:
- Medina de Marrakech
- Medina er gamli borgarhlutinn og er fullur af þröngum götum, litríku handverki og sögulegum byggingum.
- Hér finnur þú hefðbundna souk-markaði, þar sem hægt er að kaupa krydd, skartgripi, leðurvörur, teppi og margt fleira.
- Það er auðvelt að villast í medina, en það er hluti af upplifuninni! Ef þú týnist, er best að spyrja verslunareigendur til vegar fremur en götuleiðsögumenn.
- Souk-markaðarnir
- Souk Semmarine – Fyrsti markaðurinn sem flestir hitta á, með mikið úrval af minjagripum og hefðbundnum vörum.
- Souk Smata – Sérhæfir sig í marokkóskum babouche-skóm.
- Souk Cherratin – Leðurmarkaður með töskur, belti og veski.
- Souk Haddadine – Svæði þar sem járnsmiðir vinna og selja handgerða hluti.
- Souk des Teinturiers – Þar sem ull og efni eru lituð og þurrkuð á götum markaðarins.
Gott að hafa í huga
Prútta er nauðsynleg – Það er hluti af menningunni að semja um verð.
Passaðu veskið – Eins og í öllum fjölmennum stöðum er gott að hafa augun á verðmætum.
Notaðu Google Maps – Það getur verið erfitt að rata, svo það er gott að hafa kort tiltækt.
- Jemaa el-Fna – Jemaa el-Fna er hjarta Marrakech og eitt af frægustu torgum í heiminum. Á daginn er það fullt af sölubásum sem selja ferska ávexti, krydd og minjagripi. Um kvöldið breytist það í lifandi leiksvið með snákatemjurum, sögusagnamönnum og tónlistarmönnum. UNESCO hefur viðurkennt torgið sem menningararf vegna þessarar einstöku stemningar.
- Koutoubia moskan – Stærsta moskan í Marrakech og eitt af helstu kennileitum borgarinnar.
- Bahia-höllin – Glæsileg höll með fallegum garði og flóknum skreytingum sem sýna marokkóska arkitektúr.
- Saadian grafhýsin – Sögulegt grafhýsi frá 16. öld með fallegum skreytingum og arkitektúr.
- Majorelle garðurinn – Þessi fallegi garður var hannaður af franska listamanninum Jacques Majorelle og síðar endurvakinn af Yves Saint Laurent. Hann er þekktur fyrir djúpbláa litinn „Majorelle Blue“ og inniheldur Berber-safn og Yves Saint Laurent safnið
- Atlasfjöllin og Aït Benhaddou
- Frábær dagsferð frá Marrakech til að skoða stórkostlegt landslag og sögulegar byggingar. Aït Benhaddou er UNESCO-verndaður staður og hefur verið notaður sem kvikmyndatökustað fyrir Game of Thrones.
Verslun og markaðir
Marrakech býður upp á fjölbreytta verslunarmöguleika, allt frá hefðbundnum mörkuðum til nútímalegra verslunarmiðstöðva.
- Medina Mall Marrakech– Einstök verslunarmiðstöð sem sameinar hefðbundna marokkóska verslun og nútímalega hönnun. Hér finnur þú handverk, krydd og listmuni frá marokkóskum framleiðendum.
- Menera Mall – Ein stærsta verslunarmiðstöðin í Marrakech, staðsett í Hivernage-hverfinu. Hún hefur yfir 50.000 m² svæði með verslunum, veitingastöðum og innanhúss skemmtigarði fyrir börn.
- Carre Eden Shopping Centre– Nútímaleg verslunarmiðstöð í Gueliz-hverfinu með alþjóðlegum vörumerkjum, veitingastöðum og kaffihúsum.
- Al Mazar MAll – Stór verslunarmiðstöð með fjölbreyttum verslunum, þar á meðal Carrefour matvöruverslun.
- M Avenu Marrakech– Lúxus verslunar- og afþreyingarsvæði með hátískuvörumerkjum og veitingastöðum.
Hefðbundnar verslanir og handverk
- Ensembel Artisnal – Opinber verslun með marokkóskt handverk, þar sem hægt er að kaupa leðurvörur, skartgripi og vefnaðarvöru.
- My Youssef Création & Passementerie Store – Sérhæfir sig í handgerðum vörum eins og töskum, skóm og skartgripum
Marokkósk matargerð
Marokkósk matargerð er rík af kryddum og bragðmiklum réttum. Helstu réttir eru:
- Tagine – Hægsoðin kjötréttur með grænmeti og kryddum.
- Couscous – Hefðbundinn norður-afrískur réttur úr gufusoðnu hveiti.
- Harira – Krydduð linsubaunasúpa sem oft er borin fram í Ramadan.
- Mintute – Frægur marokkóskur te með ferskri myntu.
Vinsælir veitingastaðir
- Buddha-Bar Marrakech er einn af vinsælustu veitingastöðunum í Marrakech og býður upp á einstaka upplifun sem sameinar glæsilega asíska-fusion matargerð, tónlist og lifandi sýningar.
- Nobu Marrakech er hluti af lúxuskeðjunni Nobu Hotels og býður upp á einstaka upplifun sem sameinar marokkóska menningu og nútímalega asísk-fusion matargerð.
- Nouba Marrakech er einn af vinsælustu veitingastöðunum í Marrakech og býður upp á einstaka upplifun sem sameinar frábæran mat, lifandi sýningar og skemmtilega stemningu.
- Pepe Nero – Frábær staður sem býður upp á blöndu af marokkóskri og ítalskri matargerð í fallegu umhverfi.
- Cafe des Epices– Litríkur og líflegur kaffihús og veitingastaður í miðri Medina, fullkominn til að njóta hefðbundins marokkósks matar.
- Dar Cherifa – Einstakur veitingastaður í sögulegri byggingu með fallegum arkitektúr og ljúffengum marokkóskum réttum.
- So Lounge Marrakech – Lúxus veitingastaður og lounge með lifandi tónlist og fjölbreyttum matseðli.
- Dar Chef – Frábær staður til að prófa hefðbundna marokkóska rétti í notalegu umhverfi.
- La Pergola Rooftop Jazz Bar & Restuarant – Frábær staður til að njóta matargerðar og lifandi jazz-tónlistar á þakverönd.
- Terrasse de Epices – Veitingastaður með fallegu útsýni yfir Medina og ljúffengum marokkóskum réttum