Best Jacaranda er skemmtilegt hótel staðsett á Costa Adeje ströndinni. Í næsta nágrenni er fjöldi veitingastaða og verslana og aðeins 650 metrar er niður á Fanabe ströndina.
Hótelgarðurinn er stór og í honum eru nokkrar sundlaugar, nóg af sólbekkjum og sólhlífum. Fjölbreytt dagskrá er í boði yfir daginn og krakkaklúbbur. Á kvöldin er skemmtidagskrá fyrir alla fjölskylduna. Hægt að fá allt innifalið.
Myndasafn
Bóka
Pakkaferðir
Staðsetning
Hótellýsing
Á hótelinu er veitingastaður þar sem er boðið upp á máltíðir af girnilegu hlaðborði. Einnig er bar í hótelgarðinum þar sem hægt er að fá sér svaladrykk og svo er snarlbar á hótelinu sem er opinn allan daginn. Þar er notalegt að sitja og njóta útsýnisins. Á hótelinu er líka píanóbar þar sem myndast skemmtileg stemning.
Á hótelinu er líkamsræktarstöð með sauna, þar er líka tennisvöllur, strandblakvöllur fjölnota íþróttavöllur og borðtennisborð. Á kvöldin er skemmtidagskrá fyrir gesti hótelsins.
Herbergin eru björt, rúmgóð og snyrtileg. Veggir eru ljósmálaðir og húsgögn eru klassísk. Flísar eru á gólfum. Í öllum herbergjum er loftkæling, net, sjónvarp og míníbar. Baðherbergin eru snyrtileg. Þau eru flísalögð og þar eru sturta og bað, hárþurrka og helstu snyrtivörur. Öllum herbergjum fylgja svalir eða verönd.
Við notum vefkökur (e.cookies) til að greina umferð um vefinn og til að bæta upplifun notenda á síðunni. Með því að halda áfram að skoða síðuna samþykkir þú að við notum vefkökur.
