Hovima La Pinta Beach Front Family frábært fjölskylduhótel á Costa Adeje svæðinu. Hótelið er mjög vel staðsett við Playa La Pinta ströndina og Puerto Colon höfnina. Í næsta nágrenni er fjöldi góðra veitingastaða, verslanir, kaffihús og barir. Sundlaugagarðurinn er einstaklega fjölskylduvænn. Tvær sundlaugar og grunn barnalaug þar sem hægt er að busla og hafa gaman. Leiktæki og öflugur barnaklúbbur er á hótelinu og mini diskó á kvöldin. Einnig er á hverju kvöldi skemmtidagskrá fyrir alla fjölskylduna.
Myndasafn
Bóka
Pakkaferðir
Staðsetning
Hótellýsing
Á hótelinu er veitingastaður og huggulegur bar í garðinum. Hægt er að velja um að vera í hálfu fæði, fullu fæði eða með allt innifalið.
Í boði eru fjórar mismunandi týpur af íbúðum og eru þær ýmist með einu, tveimur eða þremur svefnherbergjum. Íbúðirnar eru fallegar, hreinar, innréttaðar í líflegum og björtum litum. Eldhús er með ísskáp, örbylgjuofni, helluborði, kaffivél, ketil, brauðrist og borðbúnaði. Loftkæling er í öllum íbúðum og frítt net. Greitt er aukalega fyrir öryggishólf. Sjónvarp og sófi og borðkrókur í stofu. Svalir eða verönd.
Comfort Apartment, Íbúð með einu eða tveimur svefnherbergjum og eru með útsýni upp í fjöllin.
Family Apartment, íbúð með einu svefnherbergi. Í þessari íbúð er hjónarúmið í stofunni og börnin sofa í ró og næði í svefnherberginu. Þessar íbúðir eru með verönd þar sem hægt er að ganga beint út í garðinn.
Superior Apartment, íbúð með einu eða tveimur svefnherbergjum. Þessar íbúðir snúa út í sundlaugagarð og eru með sjávarútsýni.
Excellence Apartment. Íbúðir með einu, tveimur eða þremur svefnherbergjum. Í þessum íbúðum er sjónvarp í öllum herbergjum og stórar svalir með sólbekkjum.
Frábær kostur fyrir þá sem vilja gera vel við sig í fjölskyldufríinu.
